الشهادات

الإجابة

التطوع بالنسبة لي هو أكثر من العطاء. شخصياً، كيمكني التطوع من المشاركة في التغيير الإيجابي ديال المجتمع، كنحس براسي مفيدة، كنشارك في أشياء صالحة و كنتعرف على ناس جداد.

الإجابة

ما كنتولدوش متطوعين و لكن مع الوقت كنصبحوا متطوعين. الالتزام التطوعي غالبا ما كيقابل لحظة في الحياة، و الدوافع ما شي هي نفسها (البحث عن خبرات شخصية أو مهنية). أنا عمري 20 سنة و كنأكد ليكم أن التطوع عندو آثار إيجابية على النفس كيعطي المزيد من التفاؤل، الشجاعة و الجرأة.

الإجابة

نقدر نقول التفاؤل، المشاركة، التضامن والاحترام. شعاري هو "الاستمتاع باصغر الأشياء فالحياة حيت شي نهار كتفكرهم و كتلقاهم كبار ". خاص الانسان يستمتع بالتفاصيل الصغيرة و الأوقات الزوينة لي كيعيشها فاش كيكون متطوع

الإجابة

كنتفكر العديد من الذكريات، نهار 8 مارس، يوم المرأة مع JCI Casalmpact. نظمنا عشية لأمهات و بنات مدرسة ابتدائية فلهراويين، قمنا بإعطاء تكوين للأمهات بخصوص سلوك الطفل، الحناء و ألعاب تربوية للترفيه على البنات الصغار. كان نهار ميتنساش !

الإجابة

إلا كانت الأيام فيها 25 ساعة، يمكن لي نقرا أكثر و نعطي أكثر من وقتي للجمعيات الخيرية. و أحسن حاجة إلا كان النهار ماكيتسالاش ... ساعة أكثر في العمل الجمعوي و التطوعي غادي يفرحهم.

الإجابة

علاش ختاريت نعطي من وقتي في العمل التطوعي أو مختاريتش نخدم و نربح الفلوس، مع العلم أنني ما زلت طالبة؟ الجواب بسيط : العمل التطوعي و العمل الجمعوي كيفرحني و كنحس براسي مفيدة للمجتمع. ما كاين حتا حاجة تقدر تعوض الابتسامة ديال طفل أو لحظات ناس كبار فالسن يدعيو معاك. غادي يكون عندي الوقت "إن شاء الله" باش نخدم و نربح الفلوس، ما زرباناش. أنا مستعدة لأي عمل تطوعي.